Хит от друзей ко дню святого Валентина! Всем слушать😃👍! Гурт :B:N: спецыяльна да Дня закаханых дорыць усім новы сінгл "Хвалі" і аб'яўляе пра пачатак працы над новым альбомам.
"Хвалі" - гэта хваля, якая нясе вясновы настрой, бо вясна не за гарамі! Усё ў гэтым свеце ідзе хвалямі, ніякага штылю, штыль - гэта не наш стыль!
Гэтую песню мы дорым сваім каханым, родным, сябрам, і, натуральна, дорым хвалю пазітыву, святла і рок-н-ролу нашым прыхільнікам! Любіце адзін аднаго, беражыце адзін аднаго, і часцей усміхайцеся! Нашы "Хвалі" - для Вас!
Акрамя традыцыйнага складу гурта :B:N: (Алесь Лютыч - вакал, гітара; Юрый Бардоўскі - гітара; Алесь Сіліцкі - бас; Зміцер Харытановіч - ударныя) у запісе рэлізу прынялі ўдзел запрошаныя музыкі. Гэта клавішнік Данііл Лях і прадзюсар Tony Fadd, намінаваны ў гэтым годзе на прэстыжную амерыканскую прэмію "Grammy Awards". Тэкст да кампазіцыі гурта напісаў Яўген Бузоўскі (гітарыст гурта IQ48).
